1

肚抜饿，肚抜饿，

禁稳大门唱山歌。

哪人话涯风流仔，

肚抜饿倒冇奈何。

2

老鼠仔，叫吱吱，

叫乜野？叫锁匙。

叫锁匙做乜野？开笼仔。

开笼仔做乜野？织畚箕。

织畚箕做乜野？捡猪屎。

捡猪屎做乜野？翁金瓜。

金瓜长长，摆到船塘。

金瓜短短，摆到上莞。

3

亚女嫲，嫁南坝。

又有糖，又有蔗。

又有鸡屎嫩糍粑，

又有黄豆打缺牙。

4

阿网网，阿銮銮。

养大亚仔来撑船。

拿条长竹做船篙，

拉拉溜溜下河源。

5

柯树笠，笠过河，

单身哥，冇老婆。

6

不倒翁，摇摇动。

摇到半夜有条虫。

佢爸来点火，

佢妈来夹虫。

7

阿妹妹来阿妹妹，

阿哥生日你爱来。

三只鸡公把只宰，

三埕老酒把埕开。

8

簕挡仔，打白花，

阿婶仔，嬲妹家。

七月去，八月归。

归来水瓮冇滴水。

鹅挑水，鸭挑水，

鸡公磨谷狗舂碓，

蠄蜍放火猫炒菜。

9

萤火毕卜，

下来食肉。

问涯食乜野菜？

咸解捞猪肉。

10

月光光，照四方。

四方矮，落老蟹。

老蟹黄，跌落塘。

塘东心，有枚针。

塘角下，有条蛇，

吓死虾公俩仔爷。

11

鹧鸪笠喳喳，

舂粄睇舅爷。

舅爷唔在屋，

打烂锅头督。

12

肚脐深，装黄金。

肚脐浅，装瓦片。

肚脐窿窿，害绝人种。